Жара и сушь стоит, посевы гибнут. А попы не ловят мух.

Где, блин, молебен о ниспослании дождя?

Где конкретные результаты работы? За что им верующие деньги платят? За что государство их поддерживает?

А ведь у них и инструкции на этот счёт имеются, ничего особенно сложного, просить дождя надо так:

Последование молебного пения, певаемого во время бездождия

Священник начинает молебен обычным возглáсом: «Благословен Бог наш…» Чтец: Трисвятое, «Пресвятая Троице…»; «Отче наш…». Священник: «Яко Твое есть Царство…». Чтец: «Господи, помилуй» (12 раз); «Слава, и ныне», «Приидите, поклони΄мся…» (трижды) и псалом 64-й: «Тебе подобает песнь, Боже, в Сионе…», «Слава, и ныне», «Аллилуиа» (трижды).

Диакон произносит великую ектению: «Миром Господу помолимся» до прошения «О плавающих» и присоединяет прошения о бездождии:

«О еже не помянути беззаконий и неправд людей Своих и отвратити от нас весь гнев Свой, праведно дви΄жимый на ны, и не уморити нас гладом и жаждою, Господу помолимся».

«О еже благорастворенныя воздýхи и дожди благовременныя к плодоношению милостивно послати земли и людем Своим, Господу помолимся».

«О еже во гневе Своем не погубити людей Своих и скоты΄, но повелети облакóм свыше одожди΄ти и к плодоношению оросити землю, Господу помолимся».

«О еже повелети земли прозябати плоды на веселие и пищу людей Своих и злак в службу человеком, траву же скотóм, Господу помолимся».

«О еже милостивно призрети на вопль, плач, стенания и умиленныя молитвы старых и юных, младенцев же и всех людей Своих и не погубити нас гладом грех ради наших, но пощадити от смерти души наша и препитати нас в гладе, Господу помолимся».

«О еже благоприятным быти мольбам нашым и, якоже Илию иногда послушати нас, дождем и благорастворенными воздýхи, и помиловати нас, Господу помолимся».

«О еже милостивно услышати глас молитвы нашея и избавити нас от глада, губительства, труса, потопа, огня, града, меча, нашествия иноплеменник, междоусобныя брани и всякая смертоносныя язвы, Господу помолимся».

И обычный конец ектении: «Заступи, спаси, помилуй…», «Пресвятую, Пречистую, Преблагословенную…» Священник возглашает: «Яко подобает Тебе всякая слава…»

На «Бог Господь…» тропари:

«Воздýха растворение повелением Твоим прелагáяй, Господи, вольный дождь с благорастворенными воздýхи даруй земли, еже приносити людем Твоим плоды изобильныя и насыщати всякое животно Твоим благоволением, молитвами Богородицы и всех святых Твоих».

«Слава», глас 6-й: «Всех Творца и Зиждителя и благих Дателя, Тя, свéдуще, Господи, к Тебе припáдаем и прилежно молим: пощади, Милосерде, и прости, яко Благ, беззакония наша, и настоящаго праведнаго гнева избави рабы Своя, подая, яко Благ, жаждущей земли благоплодныя дожди, яко Един Многомилостив».

«И ныне», Богородичен, глас тойже: «Предстательство христиан…»

Псалом 50-й: «Помилуй мя, Боже, по велицей милости Твоей…»

Канон молебен к Человеколюбцу Господу в бездождие, егоже краестрочие: «Даждь дождь земли жаждущей, Спасе».

Песнь 1-я. Ирмос: «Грядите, людие, поим песнь Христу Богу…»

«Приими, Спасе, моление от недостойных наших уст и низпосли с небесé земли΄ дожди плодоносны, Человеколюбец сый и Многомилостив».

«Очисти ныне, Господи, грехи наша и гнев отврати, иже на ны, Спасе, наведен по правде, и подаждь с небесé дожди΄ вóдныя земли».

«Слава»: «Приидите, человецы, восплачем к Богу всех, во умилении зовуще: прости, Человеколюбче, наша прегрешения и посли с небесé дожди жаждущей земли».

«И ныне», Богородичен: «Свет Тобою познахом, Богородительнице темже Тя молим и ми΄ли ся деем, моля΄щи не престай Творца и Сына Твоего послати земли дождь».

Катавасия по каждой песни: «Избави от бед…», «Спаси от бед…»

Песнь 3-я. Ирмос: «Утверди нас в Тебе, Господи…»

«Всю тварь дланию содержáй, Господи, услыши, яко Щедр, моления рабов Твоих и низпосли воду на всю землю».

«Сый Благ и Благопременитель, яко имы΄й бездну благоутробия, не прéзри моления наша, но посли нам мирный дождь».

«Слава»: «Богатство, еже нам дал еси, ижди΄хом блудно, но яко имéяй, Господи, бездну благоутробия, и Отец Благ сый, умилися и дожди летныя подаждь земли».

«И ныне», Богородичен: «Яко имýщая, Чистая, к Человеколюбцу Сыну Твоему благоприятное дерзновение, умоли датися земли΄ дождем плодоносным, ходатайствы Твоими».

Песнь 4-я. Ирмос: «Пою Тя, слухом бо, Господи, услы΄шах и ужасóхся…»

«Свыше на ны при΄зри, Блаже, согрéшшыя, и даруй, Господи, милость Твою по всей земли и низпосли, молимся, богатно милости Твоя, Человеколюбче».

«Нáйде на ны, Человеколюбче, согреши΄вшыя, гнев Твой, небеса заключи не дати дождéв земли Твоей, темже молим Тя раби Твои, да не яростию Твоею, Слове, накажеши нас».

«Слава»: «Растворение прелагáяй, Господи, воздýха, повелением Твоим вольный даруй дождь нам, приносити плоды изобильныя посылáяй, всякое животно насыщати благоволением Твоим».

«И ныне», Богородичен: «Ты Мати, Богородице, была еси Бога нашего, темже верою вси молим Тя, Владычице, яко имýщую дерзновение: Того моли о всех нас, еже низпослати воду по всей земли».

Песнь 5-я. Ирмос: «Света Подателю и веков Творче…»

«Молитвами, Спасе, безплотных, благосердно услыши всех нас, присно моля΄щихся, и даждь дождь земли Твоей жаждущей, яко Един Человеколюбец».

«Двоенадеся΄тице учеников со страдальцы к Богу молитву о нас творите, яко да избавит нас от всякия нýжды, гнева же и скорби».

«Слава»: «Буди нам Благосéрдый во время искушений, Господи, и прещения належащаго спаси нас и посли земли Твоей дождь волен».

«И ныне», Богородичен: «Вси Ходáтаицу Тя ныне к Богу земнороднии и΄мамы яко воистину. Темже молимся: кровом Твоим, Чистая, град Твой спасай от всякаго пленения».

Песнь 6-я. Ирмос: «В бездне греховней валяяся…»

«Множество мучеников молите, яко имýщии ко Господу дерзновение многое, ныне дождь даровати и плод изобилия по всей земли».

«Молимся, молитвами Твоих ученик, остави, остави, Господи, грехи наша, и гнев отврати от нас, и подаждь земли дождь».

«Слава»: «Молим, Владыко Господи, Тебе, яко Благаго и Человеколюбца, любовию душевною: пощади нас и даруй дожди плодоносны жаждущей земли».

«И ныне», Богородичен: «Молити не престай, молимся, Сына Твоего, Пречистая Богородительнице, о нас, рабех Твоих, умирити и спасти от всякаго гнева».

Песнь 7-я. Ирмос: «Телу златому премудрыя дети не послужиша…»

«Душáми, Блаже, господьствующа всеми, Тебе вéдуще, молим: пощади, прости яко Благ и Человеколюбец, и настоящаго праведнаго прещения нас избави и даруй, яко Благ, дожди жаждущей земли».

«Якоже иногда Манасси΄ю от животна меднаго покаявшагося, Спасе, избавил еси и спасл еси от смертоноснаго случая, Благоутробне, Щедре, подаждь и нам милости Твоя и сохрани нас от губительства и труса».

«Слава»: «Умилосердися ныне на ны, яко Благ и Милостив, ибо согреши΄хом, беззакóнновахом и непрáвдовахом вси. Темже молим Тя со страхом: не гневом Твоим, Человеколюбче, накажи при΄чет и люди, но воду посли земли».

«И ныне», Богородичен: «Тебе вси человецы прибежище твердое и оружие необоримое, Богородительнице, вéмы и молим раби Твои, избави прещения варварскаго люди и град Твой: от глада же и губительства, труса и всякия тли».

Песнь 8-я. Ирмос: «В пещь огненную ко отрокóм еврейским снизшедшаго…»

«Илия словом дождь держи΄т на земли и паки словом с небесé низводит. Темже молим Тя: того молитвами, Щедре, посли дожди вóдныя земли΄ с небесé».

«С безплотных лики, апостолов, пророков же и мучеников, священников собор и преподобных множество, яко Создателя всех и Господа, Тебе молит, спасти поющыя Тя».

«Слава»: «Якоже Иону от зверя и моря, яко Бог, избавил еси, Даниила от рова и зверей, Блаже, тако и ныне услыши рабы Твоя и избави от всякия нýжды люди Твоя».

«И ныне», Богородичен: «Тебе, рождшую Иисуса, Богородицу на молитву ныне подвизаем, ущéдрити и спасти согрешившыя люди, и паки любовию к Тебе прибегáющыя и превозносящыя во вся веки».

Песнь 9-я. Ирмос: «От Бога, Бога Слова, неизреченною мудростию пришедшаго…»

«Земли жаждущей, Щедре, и нам прося΄щым Твоего человеколюбия, Блаже, милостив Владыко, явися, яко Бог Вседержитель, и даруй нам, яко Благ, дожди плодоносны и спаси дýши наша».

«Помилуй, Милостиве, рукý Твоею дело, прости нас, яко Благ, не яростию Твоею обличи люди, но приклони ухо Твое, и вонми молитве нашей, и подаждь земли Твоей дожди вóдныя, Господи».

«Слава»: «Избави от язы΄к и варваров и всякаго супостата град Твой и вся люди и дожди нам даруй плодоносны, Щедре во изобилие всех плодов, и спасение низпосли, Человеколюбче».

«И ныне», Богородичен: «Тебе прообразýющи халдейская пещь, Богородице, отроки росою прохлаждаше, посредé пламене ликовствýющыя; ныне же и нас, яко в пещи΄ огненней горящих сушею, дождем прохлади, Владычице, и спаси рабы Твоя Твоими молитвами, Мати Бога Человеколюбца».

Затем хор поет: «Достойно есть…». Чтец: Трисвятое, «Пресвятая Троице…», «Отче наш…». Священник: «Яко Твое есть Царство…». И поем тропари, глас 6-й: «Помилуй нас, Господи, помилуй нас…», «Слава»: «Господи, помилуй нас…», «И ныне», Богородичен: «Милосердия двери отверзи нам…». Священник возглашает: «Яко Свят еси, Боже наш…». Хор: «Аминь». Чтец: «Святый Боже…» (трижды), «Слава, и ныне» — по обычаю. После Трисвятого диакон произносит: «Вонмем». Священник: «Мир всем». Чтец: «И духови твоему», диакон: «Премудрость, вонмем», чтец: «Прокимен, глас 4-й: Бразды΄ земны΄я упой и умножи жи΄та ея», стих: «В каплях ея возвеселится возсия΄ющи». Апостол из Соборного послания Иакова, зачала 56-е и 57-е; Евангелие от Матфея, зачало 65-е.

После Евангелия диакон произносит ектению «Помилуй нас, Боже…» с особыми прошениями:

«Не хотя΄й смерти грешнаго, но ожидáяй обращения и покаяния его, услыши нас, Тебе молящихся».

«Возводя΄й óблаки от последних земли΄, повели тем подати дождь мирен на ню, молим Ти ся».

«Призываяй воду морскую и изливаяй ю на лице всея земли΄, низпосли΄ благословение Твое на ны, моля΄щыяся Тебе».

«Одевáяй небо облаки и готовля΄яй земли дождь, низпосли нам милости Твоя, моля΄щымся Тебе».

«Прозябáяй траву скотом и злак на службу человеком, спаси человеки, Тебе молящяеся, и скоты΄».

«Дождь волен и тучу мирную подаждь земли и спаси всяческая, Человеколюбче, и нам, моля΄щымся Тебе».

«Низпосли дожди Твоя на требующая и просящая местá, Человеколюбче, нам, моля΄щымся Тебе».

«Щедре и Милостиве, ущедри и возвесели нас, Человеколюбче, молящихся Тебе».

«Услыши ны, Боже, яко блáга милость Твоя, и помилуй ны, Твоим благоутробием, молящихся Тебе».

Священник возглашает: «Яко Милостив и Человеколюбец Бог еси…» и сразу: «Еще молимся, о еже сохранитися граду сему и всякому граду и стране…». Хор: «Господи, помилуй» (40 раз). Священник произносит возглас: «Услыши ны, Боже, Спасителю наш…». Хор: «Аминь».

Затем священник читает семь молитв о бездождии (седьмая молитва также и о изменении ветров), творение Кáллиста, патриарха Константинóпольского.

Молитва первая

Господу помолимся!

Владыко Господи Боже наш, послýшавый Илию Фесви΄тянина ревности ради к Тебе и во время посылаемому земли дождю удержатися повелéвый, таже паки молитвою его дождь плодоносный ей даровавый! Сам Владыко всех, от Самáго Твоего благоутробия умоляемь, дождь волен даждь наследию Твоему и, согрешенная нами презрéв, дожди Твоя низпосли на требующая и просящая местá: возвесели лице земли, нищих ради людей Твоих, и младенцев, и скотов и иных всех, занé к Тебе чают, еже дати пищу им во блáго время. Ты бо еси Бог наш, Бог еже миловати и спасати, и Тебе славу возсылаем, Отцу и Сыну и Святому Духу, ныне и присно, и во веки веков, аминь.

Молитва вторая

Господу помолимся!

Господи Боже Вседержителю, возводяй облаки от последних земли, молнии в дождь сотворивый, изводя΄й ветры от сокровищ Своих, призывáяй воду морскую и проливáяй ю на лице всея земли! Тебе молимся и Тебе ми΄ли ся дéем, исповéдающе грехи наша и от Тебе богатыя милости прося΄ще: заповéждь облакóм еже одождити дождь, ущéдри вся земная Твоя: умилосердися на старцы, и ю΄ноты, и младенцы, ссущыя сосцы, на рабы Твоя и на рабыни, сы΄ны и дщери и на вся скоты΄ земли, да изведет нам хлеб в снедь и злак скотóм. Приими моления всех людей Твоих и не отрини воздыхания убогих, нижé яростию Твоею обличиши нас, нижé гневом Твоим накажеши нас, нижé да растли΄ши гладом и жаждею люди Твоя: всех бо очи на Тя уповают, прияти от Тебе пищу во блáго время. На Тя надеемся и разве Тебе инáго не вéмы, от Тебе богатыя милости ожидаем; яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

Молитва третия

Господи Боже наш, вéмы, яко недостойни есмы΄ Твоих щедрот, и несмы΄ достойни возвести очи наши, и зрети на небо, и стати пред Тобою, и прошения наша глаголати к Тебе: кое бо добрó сотворихом, да и прошения получи΄м? Ибо Твоея ради безмерныя благости от небытия΄ нас во еже быти привед, образом Твоим почéл еси и тварь всю нам покорил еси. Но мы толи΄ко облагодéтельствовани бывше, якоже врази΄ предстáвихомся, и Тебе, Благодетеля, заповеди презрéхом, и житие порочно и мысль скверну и нечисту стяжáхом, и не тóчию Твою любовь отвергóхом, но и якоже зверие друг на друга носимся и плоти друг друга снедаем лихоимственными образы и неправедным произволением нашим: како убо достойни есмы΄ Твоих благодетельств восприяти? Ты бо праведен, мы неправедни: Ты любиши, мы враждуем: Ты Благоутробен, мы неблагоутробни: Ты Благодетель, мы хищницы. Кое общение к Тебе и΄мамы, да и Твоих благих приобщимся? Исповедуем правду Твою, познаваем осуждение наше, проповедуем благодеяния Твоя, тьмам смертей повинни есмы΄. Се, под Твоею действительною и вся содержащею рукою пребываем: удобно есть Твоей всесильной руцé яко во мгновении ока погубити нас: и ели΄ко от нашего намéрения и жития праведно есть нам пагубе предатися, Праведнейший Судие, но Твоей непобедимей благости и неизреченней благосты΄ни несть всякое достойно, Человеколюбнейший Владыко. Сего ради на неизслéдимое Твое милосердие и непамятозлобную Твою утробу дерзающе, приступаем к Тебе, Благодетелю, неразумнии и неблагодарнии, не предаждь нас грех ради наших в рýце сухости, нижé беззаконий ради наших сокрушиши нас узами глада, но благости ради Твоея подаждь земли, юже определил еси, и наследию Твоему дождь волен и исполни недра земная живородными Твоими водáми: се бо предлежит сия, якоже мати изсушéны имýщая сосцы. Якоже бо óныя сосцы, млекá лишающеся, смерть приносят младенцу: сице и земля, бразды своя непричастны влажности имýщи, увядение творит злаку, и растление рождениям своим приносит, и губительство нам претительное и смерть, ибо от сухости зной, аки некая разжигающая огнéвица, прозябения увяди΄вый, погибель провозвещает рождением ея: но милостию Твоею посети ю, и водны΄ми облаки воздух благораствори, и богатым Твоим дождем землю ороси, и прозябения ея оживи, и возвéянием добрейших вéтров плоды целы и полны сотвори и умножи я (их) благоутробием Твоим, теми бо определил еси телесный живот содержати. Аще бо не Ты вольными Твоими дожди дáси благость, земля наша не даст плода своего, но множества ради щедрот Твоих услыши моление нас, недостойных рабов Твоих, Ты бо еси Источник милости и благих Подателю, и Тебе славу возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков. Аминь.

Молитва четвертая

Господи, Господи, пророком Твоим Илиею разреши΄вый сухость, и течением дождéв лице земли΄ одождивый, и обилием плодов напитáвый люди Твоя богатно! Сам и ныне естественною Твоею благосты΄нею умоляемь, даруй земли дожди мирны во плодоносие летных плодов. Ты бо еси вóды в местá их устрóивый и землю ими покрываемую видиму сотворивый. Ты еси повелевый ей различныя изращати плоды в наслаждение наше. Ты еси греха ради, иже при Нóи человеков, источники бездн развéрзый, и хля΄би отвéрзый небесныя, и лице земли наводнивый во истребление всякия плоти. Ты еси водами покрываяй превы΄спренняя Твоя. Ты еси óблаки возвышáяй и сим повелевáяй дождевныя испущати капли. Ты еси возводя΄й воду морскую и изливáяй на лице земли΄. Ты еси дожди определи΄вый, и дожди вольныя отлучи΄вый, и реки вод наполня΄яй, и напоя΄яй землю, и упоевáяй бразды΄ ея, во умножение красных ея плодов. Ты еси разделивый море, и рекý проходиму содéлавый, и воду из кáмене источивый, и горесть воднýю в сладость преложи΄вый. Весть воднóе естество своего Творца, знает своего Владыку, не не весть должное свое служение. Аще ýзрит Тебе, Владыку, гневающагося на ны или безмерно движимо, погибель содéловает или спря΄таемо удержавается, и сухость вмещение емлет, и пламеновидный воздýх бывает, и земная прозябения увядают, и мы в рýце беды΄ впáдаем. Аще же паки видит Тебе, Человеколюбца Бога, благоуветлива и благопременительна, дожди уготовляет, и тучи на земли΄ νизносятся, и воздýх благодыщущий бывает, и земля, Твое повеление услышавши, изобильныя плоды от своих боков прозябает. Тебе убо, Творца и Создателя всех, молим, глаголюще: помилуй нас, Господи, помилуй нас: помяни, яко делá рукý Твоею есмы΄, вонми неможению естества нашего, яко Ты сотворил еси нас. Виждь птиц стенание, скотóв вопиение, младенческий плач, юнош вопль, старых окаянство, сирот лишение, вдовиц уединение, убогих недостаточество и всех людей Твоих молебный глас, и посети землю, и упой ю тучными дожди: мокроты΄ бо лишающися, своим убо прозябением увядение, человеком же и скотóм пагубою претит. Водою пагубу навед иногда, помянул еси Ноя, носимаго в ковчéзе, от безмерных вод оных: помянул же еси его, и птицы, и скоты, и звери, и ползающая, и навел еси дух на землю, и преста вода: и Ноя, и с ним животная, якоже семя, соблюл еси, в бытие втораго мира. И ныне содержащею сухостию воздýх, гладом прещáяй и смертию, помяни уповающыя на Тя люди, помяни и птицы, помяни и скоты, и дух росы наведи, и сухость да престанет, и сéмена земли΄ сотвори в воспитание человеков же и животных, и вся паки еже от Тебе Промысла сподоби. Ты бо еси прозябáяй траву скотом, злак службе человеков, и Ты еси изводя΄й хлеб от земли и вино источáяй и елеем умащáяй человеческая ли΄ца, яко да подаваемым от Тебе благи΄м во изобилии причащáющеся, в веселии сердца прославим Твою благость, Отца и Сына и Святаго Духа, ныне и присно, и во веки веков. Аминь.

Молитва пятая

Владыко Господи, Иисусе Христе, Боже наш, глаголом Своим все от небытия приведы΄й, персть взéмый от земли и создавый человека, и душею словесною, и образом Твоим почты΄й того и реки΄й: раститеся и множитеся и наполняйте землю, дая΄й скотом пищу и птенцем врановым. Иже и в велицем и спасительном плотию пришествии Твоем, прежде убо седмию΄, потом же пятию΄ хлéбы, тысящы насытил еси многия! Сам, Всеблагий Владыко, и Твоя люди сия призывающыя Пресвятое Твое Имя, Твоею вседетельною и великодарною десницею богатно препитай. При΄зри, Господи, на убогия люди Твоя, отверзáяй руку Твою и насыщáяй всякое животно благоволения, ущедри всех нас милостивно: Ты бо, Владыко Человеколюбче, Един еси Отец всех нас, и к Тебе единому очи возводим, яко отдоéное на матерь свою. Твое есть слово, Преблагий Владыко: проси΄те, и дастся вам, ищите, и обрящете. Подаждь убо прося΄щым ныне, Владыко, с духовною пищею и нуждную плоти, и препитай алчущыя Твоя люди, дожди временны и благорастворение воздýхов и плодов различных изобилие земли даруй: в нéмощи и губительстве, и огневице, и недýзех различных бедствующих посети. Избави, Господи, Имя Твое призывающий сей град, и всякий град, и страну от глада, губительства, труса, потопа, огня, меча и убийства, дáруяй нам милости Твоя, благодатию Безначальнаго и Единосущнаго Твоего Отца, и Пресвятаго и Единочестнаго Твоего Духа: молитвами и моленьми Преблагословенныя Богородицы, богоглаголивых Твоих апостолов и всех святых Твоих. Аминь.

Молитва шестая

Господи Иисусе Христе Боже наш, Иже нашего ради спасения извóливый плоть носити, да прославиши чýдно словесное естество неизреченным Твоим благоутробием и благостию и Иже во истинном познании обращающыяся из глубины΄ греховныя простити обещáяй, егда бо к Тебе воззря΄т рабиим образом и истинным исполнением Божественных Твоих заповедей, тогда и ти΄и со дерзновением возмогут Тя, Бога Милостиваго и Благосердаго, имети. Ныне убо остави вся беззакония наша, и приклони к нам ухо Твое, и услыши ны, смиренныя и грешныя, якоже иногда Фесви΄тянина Илию услышал еси, якоже глаголом единым связати небо к целомудрию непокоривых оных людей: таже тем паки обычное человеколюбие употребивый, облакóм повелевый, землю всю напоил еси водою благою! Сице и ныне паки моленьми того Твоего угодника и теплыми молитвами прéзри беззакония наша и грехи, и приими молитвы наша, и услыши нас в час сей тепле молящих Ти ся, и разреши сухость сию земную, исповéданием и воплем людей Твоих, и низпосли на ны дождь благий, яко да насытимся воды, и земля наша даст плоды во время благопотребно в пищу нашу и тех яве безсловесных животных. Ей, Господи, Боже наш, услыши ны, грешныя и недостойныя рабы Твоя, и не прéзри моления наша, нижé да победит беззаконие наше милость Твою, но приклони, Господи, ухо Твое и услыши ны. Виждь сокрушение и умилосердися; виждь от святаго Твоего жилища, виждь воздыхание убогих; виждь незрелый возраст младенцев, зéльнейшею жаждею изнуряемый; виждь незлобивых младенцев озлобление; виждь утробы матерни, виждь сосцы изсушаемыя убиенных младенцев; виждь состаревшыяся и юношы, якоже вериги в руки беззаконных издáнныя, и прéзри убо согрешения наша, яже в вéдении и не в ведении, яже во уме и помышлении, и не отрини нас до конца. Не бо воды΄ единыя жаждею таем, но и тьмами иных зол, грех наших ради: и к Тебе зрим, да налиется на нас дождь зрéлейший же и изобильнейший, да и праведный Твой гнев уставиши лютаго сего пленения. Обоя΄ ýбо просим и молимся Тебе, Человеколюбче, да кладези и сéла наша наполниши воды, и душевныя наша нивы в сытость напоиши, и исполниши Твоея благости: и кладязи, си΄речь сердцá наша, веселием и неизреченною радостию и радованием упои΄ψи, уставиши належащее на нас нестерпимое стремление безбожных агáрян1. Ты бо еси Свободитель душ и телес наших, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

Молитва седмая

Господу помолимся!

Благий Человеколюбче, Господи, Иже тварь единым словом содéлавый и из нея человека создавый, последи΄ же неизреченным человеколюбием падшаго сего и раба греху бывша восприéмый и освятивый, яко да не погибнет до конца дело рукý Твоею, давый же сему и Своя заповеди в память Твоего пришествия, и Твоих повелений, и Божественнаго вочеловечения! Темже трудился еси, и подвизался еси, и взалкал, и вжаждáл еси, исполнивый вся нас ради, яко лéпо, человеческая: вшéдый же в корабль, и по морю ходи΄вый, и вóлны ди΄вия и зéльности вéтров обуздáвый, и вся пострадати претерпевый, даже до Креста и Смерти: да в немже пострадал еси и искусился еси, поможеши нам, немощствýющым. Сам и ныне, Царю Святый, еже наше неможение человеколюбно восприéмый, умилосердися о нас, обуреваемых зелó и нужд1 скудостию изнуряемых: подаждь нам Твою благость, упой землю нашу водою чистою, к плодоношению ея, полезныя нам воздýхи даруй. И якоже иногда ученики Твоя погружаемыя спасл еси от моря и зельности вéтров, такоже и ныне спаси ны от содержащаго нас обстояния. Устави2 и ныне морское свирепство, укроти сопротивныя дýхи Твоим повелением Божественным, даждь нам тишину и упокоение от скорбных. Ей Господи Иисусе Христе, Боже наш, виждь и при΄зри от святаго жилища Твоего на виноград сей, и соверши и? (его), егоже насади΄ δесница Твоя, и даждь Духа праваго к пременению находящих на нас напастей, молитвами рождшия Тя Матере и всех святых Твоих. Аминь.

Отпýст обычный.